2 Fast 2 Furious болон Four Brothers хэмээх кинонуудаараа алдартай Америкийн кино найруулагч, кино зохиолч, продюсер John Singleton-ы найруулж, The Adventures of Sharkboy and Lavagirl, The Twilight Saga кино цувралуудад дүр бүтээж, өсвөр насны од байхаас секс билэг тэмдэг болж өссөн Америкийн жүжигчин Taylor Lautner, Британи-Америк жүжигчин Lily Collins нарын гол дүрийг нь бүтээсэн "Abduction" хэмээх эйкшн триллер жанрын кино энэ оны 9-р сарын 23-ны өдөр нээлтээ хийсэн юм.

Lionsgate компаний бүтээл, 35 сая долларын өртгөөр бүтсэн энэ кинонд мөн Alien кино цувралын дүрээрээ цуутай Америкийн жүжигчин Sigourney Weaver, жүжигчин Maria Bello, Harry Potter киноны муу талын баатрын дүрийг бүтээсэн Английн жүжигчин Jason Isaacs, Spider-Man 2 болон бусад олон киноны дүрийг гайхалтай гаргасан Британий жүжигчин Alfred Molina нарын тогложээ.

Кинонд: Сураггүй алга болсон хүмүүсийн вэбсайт дээрээс өөрийн бяцхан хүүхэд байх үеийн зургийг олж үзсэн залуу эр өөрийн амьдралын үнэн мөнийг хайж олохоор зориглон хөдөлж байгаа тухай сонирхолтой үйл явдлыг та киноноос үзээрэй.